Планираните проверки на овошјето и зеленчукот по Брегзит, донесено во Британија од ЕУ се одложени по трет пат, поради загриженоста на добавувачите дека тие би можеле да доведат до повисоки цени за купувачите.

Владата рече дека плановите за воведување проверки на некои овошја и зеленчук, како што се целерот и доматите, од 1 јануари сега ќе бидат одложени за шест месеци, со цел да се даде повеќе време за да се разбере нивното влијанието врз бизнисите.

Одложувањето на проверките е веќе трет пат во изминатите 12 месеци. Проверките првично беа планирани да бидат воведени до крајот на октомври 2024 година. Конзорциумот Fresh Produce, кој претставува 700 компании, се заложи за одложување, предупредувајќи дека проверките би можеле да ги зголемат увозните трошоци за повеќе од 200 милиони фунти и да резултираат со повисоки цени на полиците на супермаркетите.

Проверките на овошјето и зеленчукот беа следната фаза од владиниот Граничен оперативен модел (Border Target Operating Model - BTOM) кој воведе проверки на производите од раситетелно и животинско потекло кои доаѓаат во Обединето Кралство на 30 април оваа година. Таа шема исто така беше одложена - во пет одделни наврати - од првичниот планиран датум за лансирање во април 2021 година.

Проверките предвидени во рамките на овој модел сега вклучуваат одредени средно и високоризични производи од растително и животинско потекло кои се проверуваат на граничните контролни пунктови на пристаништата во Британија, како дел од обидот да се спречи увозот на растителни и животински штетници и болести. На увозниците им наплаќаат и граничните контролни пунктови за покривање на трошоците за инспекциите.

На увозниците на овошје и зеленчук им беше даден преоден период за производите кои се оценети со среден ризик, до 1 јануари 2025 година. Сепак, владата сега рече дека ова ќе биде продолжено до 1 јули и дека увозниците нема да подлежат на проверки или поврзани давачки до овој датум.

Според портпаролот на Одделот за животна средина, храна и рурални прашања (Дефра): „Оваа е привремена мерка за да се осигури дека новите министри имаат целосна и темелна можност да ја разгледаат планираната имплементација на понатамошните гранични контроли и можност да се слушне мислењето на бизнисите вклучени во синџирите на снабдување“. Исто така, таа потврди дека неколку производи од овошје и зеленчук, вклучително и јаболка и круши, кои претходно се сметаа за среден ризик, сега ќе бидат променети во „низок ризик “и може да се увезуваат без никакви проверки или давачки.