Платформата за извозни компании Easy Export, претставува нова алатка која служи како  единствена точка за информирање на компаниите за сите сегменти кои се од особена важност за секојдневното извршување на извозните активности.

Платформата во себе содржи сет на информации кои се од важност за надворешно-трговското работење како што се: календар на меѓународни трговски саеми по сектори и земји, годишен календар на деловни средби, информации за царинските давачки и други трговски бариери за целните извозни земји/пазари; информации поврзани со трговски прашања генерирани од страна на Светската трговска организација, Светската царинска организација, Меѓународниот трговски центар во Женева, ЦЕФТА Секретаријатот, Конференција на Обединетите нации за трговија и развој (UNCTAT), Коморскиот инвестициски форум (WB6 CIF); информации за трговски посредници (царински брокери, осигурување за извозни кредити, компании за финансирање на извозна трговија); трговска карта; патни информации и други корисни информации неопходни во секојдневното работење на извозните компании.

Дополнително во рамки на платформата е интегриран и Извозен директориум на македонски компании кој во себ обединува информации за повеќе од 1.000 извозни компании, вклучувајќи го и нивното портфолио на производи, сè со цел приближување на македонските производи до потенцијалните партнери од странство. Извозниот директориум постојано ќе се надоградува со нови извозно-ориентирани компании во насока на постојана промоција на извозниот потенцијал на македонската економија